Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայի հետ պատերազմում հաղթանակը շատ մոտ է, փոխանցում է РИА Новости-ն։
«Մենք շատ վստահ ենք մեր ռազմական ներուժի հարցում, մեր ռազմական գործողությունները հաջողությամբ են ընթանում»,- ասել է Պեսկովը՝ գնահատելով իրավիճակը ռազմաճակատում։
Նա նաև նշել է, որ հակամարտությունը կարող էր վաղուց ավարտվել, եթե Կիևում գտնվեր մեկը, ով կստանձներ պատասխանատվությունը և կկայացներ «շատ դժվար որոշումներ»։
Ավելի վաղ ՌԴ նախագահ Վլադիմիր Պուտինը հայտարարել էր, որ ռուսական զորքերը առաջ են շարժվում ռազմական գործողության բոլոր ուղղություններով։ Միևնույն ժամանակ, պատասխանելով դրա ավարտի ժամկետների մասին հարցին՝ Պուտինը նշել էր, որ կանխատեսումներ անել պետք չէ, քանի որ «պատերազմը դաժան գործ է»։
Հետևեք մեզ տելեգրամում
