Կիևում ներկայացվել է հին հայկական թաղամասի պատմությունը

Ուկրաինայի մայրաքաղաք Կիևում ներկայացվել է քաղաքի հին հայկական թաղամասի պատմությունը։ Այս մասին հայտնել «AnalitikaUA.net»-ը։

Կիևի Պոդոլ թաղամասում «Կորուսյալ Կիև» պատմակրթական ծրագրի շրջանակում տեղադրվել են նոր տեղեկատվական ցուցանակներ։ Դրանք նշում են XIV-XVII դարերում գոյություն ունեցած հայկական թաղամասի պատմական սահմանները և Սուրբ Աստվածածին հայկական եկեղեցու գտնվելու վայրը։ Ծրագրի հեղինակների խոսքով՝ դրա նպատակն է պահպանել Կիևի բազմամշակութային անցյալի մասին հիշողությունը և ներկայացնել քաղաքի զարգացման գործում տարբեր ժողովուրդների, այդ թվում՝ հայկական համայնքի ունեցած դերը։

Ծրագրի նախաձեռնողներն են Կիևի քաղաքային պետական վարչակազմի մշակութային ժառանգության պահպանության վարչությունը, «Հին Կիև» պետական պատմաճարտարապետական արգելոցը, Հնագիտական օբյեկտների պահպանության կենտրոնը և «Ուկրաինա ինկոգնիտա» հասարակական կազմակերպությունը։

«Կորուսյալ Կիև» ծրագրի շրջանակում Պոդոլում նախկինում ևս ցուցանակներ են տեղադրվել քաղաքի պատմության ընթացքում կորած սրբավայրերի՝ Բրատսկի վանքի Աստվածահայտնության տաճարի և Խորիվի նրբանցքում գտնվող Սուրբ Հարություն եկեղեցու վերաբերյալ։