Թուրքական «IHA» լրատվական գործակալությունը, հղում անելով Թուրքիայի ներքին գործերի նախարարության հայտարարությանը, հայտնել է, որ Բաթումիից մեկնած ինքնաթիռը, որում եղել են Բելգիայի երկու քաղաքացի, արտակարգ վայրէջք է կատարել Ռիզե նահանգի ափերի մոտ՝ ծովում։
Լրատվամիջոցների հաղորդմամբ՝ ինքնաթիռը ափ է դուրս բերվել առափնյա պահպանության ծառայության խմբերի կողմից։ Նշվում է, որ Բելգիայի քաղաքացիները հոսպիտալացվել են, սակայն նրանց առողջական վիճակի վերաբերյալ դեռևս տեղեկություն չկա։
Հաղորդվում է, որ ինքնաթիռն ի սկզբանե ուղևորվում էր Օրդուի օդանավակայան, սակայն շարժիչի խափանման պատճառով չի կարողացել հասնել նշանակման վայր։
Հետևեք մեզ տելեգրամում
