Մոսկվայի մարզի Կրասնոզավոդսկի քիմիական գործարանում տեղի է ունեցել պայթյուն, որի հետևանքով գործարանի շենքերից մեկը մասամբ ավերվել է: Ռուսական լրատվամիջոցների հաղորդմամբ՝ յոթ մարդ զոհվել է, ևս երեքը՝ վիրավորվել։
Տեղի բնակիչները հայտնել են «երեք հզոր պայթյունների մասին, որոնք ցնցել են շենքն ու հարակից տները»։ Պայթունի պահին գործարանի տարածքում ավելի քան 40 մարդ է եղել։ ТАСС-ի հաղորդմամբ՝ դեպքը տեխնածին բնույթ ունի։
Նշենք, որ 2025 թվականի հուլիսին Կրասնոզավոդսկի գործարանը հարձակման էր ենթարկվել Ուկրաինայի կողմից։ Գործարանն արտադրում է փամփուշտներ, պայթուցիկ նյութեր:
Հետևեք մեզ տելեգրամում
