Ռուսաստանի նախագահ Վլադիմիր Պուտինի, Չինաստանի նախագահ Սի Ծինփինի և ԱՄՆ նախագահ Դոնալդ Թրամփի հնարավոր եռակողմ հանդիպման նախաձեռնությունը Պեկինինն է լինելու, եթե ԱՄՆ առաջնորդը հաստատի իր մասնակցությունը Ասիա-խաղաղօվկիանոսյան տնտեսական համագործակցության գագաթնաժողովին։ Այս մասին, «ՌԻԱ Նովոստի»-ի փոխանցմամբ, հայտարարել է ՌԴ նախագահի օգնական Յուրի Ուշակովը։
Գագաթնաժողովը կանցկացվի նոյեմբերի 18-19-ին Չինաստանի Շենժեն քաղաքում։ Ուշակովի խոսքով՝ երեք առաջնորդների հանդիպման նախապատրաստման ուղղությամբ գործնական աշխատանք դեռ չի իրականացվել։
«Քանի որ ԱԽՏՀ գագաթնաժողովն ընդունում է չինական կողմը, ենթադրում եմ, որ մեր չինացի բարեկամները նախ բոլոր մասնակիցներին կուղարկեն գագաթնաժողովի ծրագրի նախագիծը։ Այդ ծրագրում, ըստ երևույթին, առանձին ժամանակահատվածներ նախատեսված կլինեն երկկողմ և, հնարավոր է, եռակողմ հանդիպումների համար»,- լրագրողներին ասել է նա։
Ուշակովը նշել է, որ եռակողմ ձևաչափով հանդիպումների հնարավորությունը կախված է լինելու Թրամփի մասնակցությունից, որը, իր տեղեկություններով, դեռ վերջնականապես հաստատված չէ։
Հետևեք մեզ տելեգրամում
