Ստամբուլի Մալթեփե շրջանում գտնվող յոթհարկանի բնակելի շենքի առաջին երեք հարկերը փլուզվել են։ Փլատակներից հինգ մարդ ողջ է դուրս բերվել, ևս երեքի որոնումները շարունակվում են։ Region Monitor-ի փոխանցմամբ՝ այս մասին հայտնել են թուրքական ԶԼՄ-ները։
Դեպքը տեղի է ունեցել Ջևիզլի թաղամասի Դողու փողոցում՝ Թուրքիայի ժամանակով ժամը 05։40-ի սահմաններում։ Փլուզման պատճառը դեռ հայտնի չէ։ Շենքի չփլուզված վերին հարկերում մնացած բնակիչները տարհանվել են։
Ստամբուլի նահանգապետ Դավութ Գյուլը հայտնել է, որ փլատակներից փրկված հինգ անձանց առողջական վիճակը լավ է։ Նրա խոսքով՝ դեռ չի հաջողվել կապ հաստատել երեք մարդու հետ, որոնք, ենթադրաբար, եղել են փլուզված հարկերում։
Հետևեք մեզ տելեգրամում
