Վրաստանի վարչապետ Գիորգի Գախարիայի գլխավորությամբ, կառավարությունում տեղի է ունեցել ազգային անվտանգության խորհրդի նիստը։ Նիստի ընթացքում ԱԱԽ-ի քարտուղարի պաշտոնում հաստատվել է Վրաստանի հետախուզության ղեկավար Լեվան Իզորիայի թեկնածությունը։
Կառավարության մամուլի ծառայության հաղորդմամբ, հանդիպմանը քննարկվել են երկրի առջև ծառացած անվտանգության մարտահրավերները և տարածաշրջանում ընթացող գործընթացները:
«Հատուկ ուշադրություն է դարձվել կիբերանվտանգության ոլորտում առկա խնդիրներին, երկրի տարածքային ամբողջականությանն ուղղված մարտահրավերներին և գրավյալ տարածքներին առնչվող խնդիրներին», – նշվում է հայտարարության մեջ:
Բացի այդ նիստի ժամանակ քննարկվել է Վրաստանի ազգային անվտանգությանն առնչվող հայեցակարգային փաստաթղթերի թարմացման անհրաժեշտությունը: Քննարկվել են Վրաստանի ազգային անվտանգության հայեցակարգը և Վրաստանի առաջ ծառացած սպառնալիքների գնահատման փաստաթուղթը:
Հետևեք մեզ տելեգրամում
