Թուրքական լկտիության հերթական դրսևորումը․ հայոց խորհրդանիշ լեռան գագաթին ադրբեջանամետ պաստառ է տեղադրվել

Հայ-ադրբեջանական սահմանին լարվածության աճին զուգահեռ Թուրքիայում օրըստօրե ավելի ու ավելի են սաստկանում հակահայկական տրամադրությունները։

Թուրքական մամուլի տեղեկացմամբ՝ 5 թուրք լեռնագնացներ Արարատ լեռան գագաթին տեղադրել են «Stop Armanian Occupation» («Դադարեցրեք հայկական օկուպացիան») և «Karabakh Is Azerbaijan» («Ղարաբաղն Ադրբեջանն է»)  գրությամբ պաստառներ։

Պարզվել է նաև, որ նախաձեռնության հեղինակը հակահայկական մոտեցումներով հայտնի Թուրքիա-Ադրբեջան միության Իգդիրի մասնաճյուղն է։