Սեպտեմբերի 12-ին Ջուլֆայում հանդիպել են Իրանի մաքսային ծառայության գլխավոր տնօրեն Ֆորուդ Ասգարին և Հայաստանի Պետական եկամուտների կոմիտեի նախագահ Էդուարդ Հակոբյանը։ Նրանք ստորագրել են երկու երկրների միջև մաքսային «կանաչ միջանցքի» ստեղծման վերաբերյալ փոխըմբռնման հուշագիր։ Այս մասին հայտնում է ՀՀ-ում ԻԻՀ դեսպանատունը:
Կողմերը քննարկել են փաստաթղթերի էլեկտրոնային փոխանակման, բեռնատարների տեղաշարժի դյուրացման և մաքսային հսկողության համակարգման հարցերը։ Նրանք նաև պայմանավորվել են անհրաժեշտ միջոցներ ձեռնարկել երկու երկրների միջև առևտրաշրջանառության դյուրացման, արագացման և ընդլայնման ուղղությամբ։
Հանդիպումից հետո Իրանի և Հայաստանի մաքսային ծառայությունների ղեկավարները ճանաչողական այց են կատարել Իրան-Հայաստան սահմանային տերմինալ։
Հետևեք մեզ տելեգրամում
