ԱՄՆ Ներկայացուցիչների պալատը ձայների մեծամասնությամբ ընդունել է Արցախում հումանիտար ականազերծման համար օգնություն տրամադրելու վերաբերյալ փոփոխությունների նախագիծը:
Ինչպես տեղեկացնում է ԱՄՆ Հայ դատի հանձնախումբը՝ նախագիծը նախատեսում 1.4 մլն դոլարի աջակցություն տրամադրել Արցախին՝ շարունակելու HALO Trust-ի՝ կյանքեր փրկող ականազերծման աշխատանքները:
Նշենք, որ HALO Trust-ը Արցախում հումանիտար ականազերծմամբ է զբաղվում 2001 թվականից:
Ալիևի ռեժիմը երկար ժամանակ փորձում էր խոչընդոտել Արցախին օգնության տրամադրմանը: Սակայն ANCA-ի առցանց պորտալների միջոցով տասը հազար փաստաբաններ են կապ հաստատել Կոնգրեսի հետ՝ Արցախում ականազերծման համար ԱՄՆ օգնության շարունակականությունն ապահովելու կոչով: Բազմաթիվ մարդիկ ևս օգտվել են ANCA-ի գործիքներից՝ օրենսդիրների հետ կապվելու համար:
Հետևեք մեզ տելեգրամում
