Բեյրութի նավահանգստում տեղի ունեցած պայթյունի հետևանքով տուժել է մոտ 2000 բժիշկ, հայտարարել է քաղաքի բուժաշխատողների արհմիության ղեկավար Շարաֆ Աբու Շարաֆը:
«Առնվազն 2000 լիբանանցի բժիշկներ են վիրավորվել և կորցրել աշխատանքը, պայթյունի հետևանքով ոչնչացվել են նրանց մասնավոր կլինիկաները», – ասել է Աբու Շարաֆը:
Նաև Բեյրութի հիմնական հիվանդանոցների մոտ կեսը հրատապ ֆինանսական օգնության կարիք ունեն: Միության ղեկավարը հավելել է, որ աշխատանքը կորցրած բժիշկները փորձում են աշխատանք գտնել արտերկրում, ինչը մասնագետների արտահոսքի է բերում։
Օգոստոսի 4-ին Բեյրութի նավահանգստի պահեստում տեղի ունեցած պայթյունի հետևանքով զոհվել է 171 մարդ, տուժել շուրջ 6 հազարը, տասնյակ մարդիկ համարվում են անհայտ կորած: Լիբանանի ներքին գործերի նախարարության տվյալներով՝ ողբերգության պատճառ է դարձել եռակցման աշխատանքների ժամանակ ավելի քան 2,7 հազար տոննա ամոնիակային սելիտրայի բռնկումը, որը մաքսային ծառայություններն առգրավել էին 6 տարի առաջ:
Հետևեք մեզ տելեգրամում
