Ռուսաստանը Մինսկի խմբի համանախագահող երկրների հետ աշխատում է ղարաբաղյան հակամարտության կարգավորման բանակցային գործընթացը շուտափույթ վերսկսելու ուղղությամբ։ Այս մասին հայտարարել է ՌԴ արտգործնախարար Սերգեյ Լավրովը «Труд» թերթին տված հարցազրույցի ժամանակ:
Լավրովը նշել է, որ հայ-ադրբեջանական հուլիսյան էսկալացիան 1994 թ․ հրադադարի համաձայնագրի արդեն երկրորդ լուրջ խախտումն է: Նա նաև հիշեցրել է, որ վերջին 26 տարվա ընթացքում առաջին անգամ զինված բախումները տեղի են ունեցել ոչ թե ղարաբաղա-ադրբեջանական շփման գծում, այլ Հայաստանի և Ադրբեջանի պետական սահմանի հատվածում։
Լավրովի խոսքով՝ կոնֆլիկտի համար գործում մի շարք գործոնների համադրությունն է։ «Որպես յուրատեսակ «մեկնարկային» դրդապատճառ է ծառայել աշխարհագրական գործոնը. հայկական կողմի որոշումը վերականգնելու սահմանային հին անցակետերից մեկը, որը 15 կմ հեռավորության վրա է Ադրբեջանի էներգակիրներ արտահանող խողովակաշարերից, մեկի մոտ զգալի անհանգստություն է առաջացրել, մյուսների մոտ՝ չհիմնավորված պատասխան արձագանք և, արդյունքում, հակամարտության թեժացման «կայծը» բռնկվեց՝ հնարավոր բոլոր անկանխատեսելի հետևանքաներով»,- նշել է ՌԴ ԱԳ նախարարը
Լավրովը շեշտել է նաև, որ ռուսական կողմն առաջին իսկ օրից ակտիվ աշխատել է իրավիճակը կայունացնելու ուղղությամբ, ինչի շնորհիվ նաև հուլիսի 16-ից Հայաստանի և Ադրբեջանի սահմանին հարաբերական անդորր է:
Հետևեք մեզ տելեգրամում
