Ադրբեջանի մայրաքաղաք Բաքվում նախօրեին հակահայկական և հակառուսական ցույց է անցկացվել։
Թուրքիայի դրոշները կրող շուրջ 200 ցուցարարներ վանկարկել են հակահայկական կարգախոսներ՝ կոչ անելով Թուրքիային «փրկել իրենց հայերի և ռուսների ագրեսիայից»։
Ցուցարարները պահանջել են, որ զորավարժությունների նպատակով Ադրբեջան մեկնած թուրքական զորքը չհեռանա երկրից՝ Ադրբեջանի տարածքում ստեղծելով հատուկ թուրքական ռազմաբազա։
Հիշեցնենք, որ հուլիսի 29-ին Ադրբեջանում մեկնարկել էին թուրք-ադրբեջանական համատեղ զուրավարժությունները, որոնք, ըստ նախնական հայտարարության, պետք է ավարտվեին օգոստոսի 10-ին։ Սակայն ժամկետի սպառվելուց հետո հայտնի դարձավ, որ զորավարժությունները անորոշ ժամանակով երկարաձգվում են և թուրքական զորքը կշարունակի է մնալ Ադրբեջանում։
Հետևեք մեզ տելեգրամում
