Ֆրանսիայի նախագահ Էմանուել Մակրոնը օգոստոսի 31-ին երկօրյա այցով ժամանել է Լիբանան՝ մասնակցելու Մեծ Լիբանանի 100-ամյակին նվիրված միջոցառումներին: Օդանավակայանում Մակրոնին դիմավորել է Լիբանանի նախագահ Միշել Աունը:
Խոսելով լրագրողների հետ՝ Մակրոնը շեշտել է, որ հնարավորինս շուտ պետք է կառավարություն ձևավորել, որը կփրկի օգոստոսի 4-ի մահաբեր պայթյունից, տնտեսական ճգնաժամից և կորոնավիրուսից տուժած երկիրը:
Օդանավակայանից հետո Մակրոնի առաջին հանդիպումը եղել է ոչ թե նորանշանակ վարչապետ Մուստաֆա Ադիբի կամ քաղաքացիական ակտիվիների հետ, այլ երկրի ամենահեղինակավոր մշակութային գործիչներից մեկի՝ երգչուհի Ֆայրուզի հետ։
Ավելի ուշ Ֆրանսիայի նախագահը հանդիպել է Լիբանանի նախկին վարչապետ Սաադ Հարիրիին, քննարկել Լիբանանի քաղաքական վերջին զարգացումները և երկկողմ հարաբերություններին առնչվող հարցեր:
Նշենք, որ սա Մակրոնի երկրորդ այցն էր Լիբանան օգոստոսի 4-ին Բեյրութի նավահանգստում տեղի ունեցած պայթյունից հետո, որը խլել էր 190 մարդու կյանք:
Հետևեք մեզ տելեգրամում
