Սաուդցի լրագրողը գաղտնի կերպով այցելել է Իսրայել

Սաուդցի լրագրող, եբրայերենի մասնագետ, ում անունը չի հրապարակվում, գաղտնի կերպով այցելել է Իսրայել։ Այդ մասին գրել է իսրայելական Israel Hayom թերթը, նշելով, որ սաուդցի լրագրողը Իսրայելի  արտգործնախարարության հրավերով  է այցելել Իսրայել։

Լրագրողը , ելույթ ունենալով իսրայելական ռադիոյի եթերով, ասել է, որ «չի կարելի խուսափել Իսրայելի հետ հարաբերությունների կարգավորման գործընթացից։

Քննադատելով որոշ արաբական երկրների քաղաքականությունը Իսրայելի նկատմամբ, նա ասել է.

«Ինչո՞ւ արաբական աշխարհը պետք  է խնդիրների ստեղծի Իսրայելի և գերտերությունների հետ փոքրաքանակ փոքրամասնության պատճառով։ Այդ փոքրամասնությունը հնարավորություն ուներ ստեղծել իր պետությունը 1947թ.-ին, սակայն նրանք հրաժարվեցին դրանից։ Երբ մարդիկ լսեցին, որ ես Սաուդյան Արաբիայից եմ, նրանք պարզապես ապշեցին։ Սակայն նրանք թշնամանքով չլցվեցին իմ դեմ, այլ հակառակը՝ նրանք ինձ ընդունեցին։ Ես սիրում եմ հրեա ժողովրդին և ընդհանրապես Իսրայելի բոլոր քաղաքացիներին»։

Հայտնի է, որ լրագրողը այցելել է Թել Ավիվ, Երուսաղեմ և Իսրայելի այլ քաղաքներ։ Նշվում է, որ սաուդցի լրագրողը արդեն վերադարձել է Սաուդյան Արաբիա։