ՌԴ ԱԳ նախարար Սերգեյ Լավրովը ռուսական լրատվամիջոցների հետ հանդիպման ժամանակ հայտարարել է, որ անհրաժեշտ է պահպանել հոկտեմբերի 10-ին Մոսկվայում Հայաստանի ու Ադրբեջանի միջև ձեռք բերված հրադադարի համաձայնությունը՝ միաժամանակ նշելով, որ ռուս ռազմական դիտորդները կարող են ընդգրկվել Լեռնային Ղարաբաղում հրադադարի վերահսկողության մեխանիզմի կազմում:
Լավրովն անդրադարձել է նաև Թուրքիայի դիրքորոշմանը՝ շեշտելով, որ Մոսկվան համաձայն չէ Անկարայի՝ խնդիրը ռազմական ճանապարհով լուծելու դիրքորոշման հետ:
«Մենք համաձայն չենք Թուրքիայի դիրքորոշման հետ և որը մի քանի անգամ բարձրաձայնել է նախագահ (Ադրբեջան, խմբ.) Ալիևը: Այստեղ ոչ մի գաղտնիք չկա. հայտարարությունը, որ հակամարտությունը պետք է լուծել ռազմական ճանապարհով, մենք չենք ընդունում: Մոսկվան պնդում է այն տեսակետը, որ Ղարաբաղում հնարավոր է միայն հակամարտության խաղաղ կարգավորում»,-ասել է Լավրովը:
Հետևեք մեզ տելեգրամում
