Ն.Ս.Օ.Տ.Տ. Արամ Ա. Վեհափառ Հայրապետի նախագահությամբ և հրավերով դեկտեմբերի 2-ին մտավորականների հավաք է տեղի ունեցել Անթիլիասի Մայրավանքում:
Վեհափառ Հայրապետը հյուրերին նախ ներկայացրել է Սիսի Կաթողիկոսարանի վերադարձի պահանջով Թուրքիայի դեմ Կաթողիկոսարանի բացած դատի վերջին զարգացումները:
Այնուհետև, Արամ Ա կաթողիկոսը անդրադառնալով Սփյուռքի ներկա իրադրությանը, նշել է, որ Մեծի Տանն Կիլիկիո Կաթողիկոսության թեմերի վերակազմակերպման աշխատանքն ընթացքի մեջ է:
Նա ընդգծել է ողջ Սփյուքի վերակազմակերպման ու վերաշխուժացման հրամայականը՝ Հայաստանի, Արցախի և ազգային պահանջատիրության առավել հզորացման համար:
Վեհափառը հայտնել է, որ այդ ուղղությամբ նախնական աշխատանքներով ինքն անձամբ զբաղվում է:
Մտավորականների հետ հանդիպմանը քննարկվել է նաև Լիբանանում ստեղծված տնտեսական ճգնաժամը և հատկապես՝ դրանց հետեւանքները Լիբանանի հայության ներքին կյանքում:
Արամ Ա. կաթողիկոսը հայտարարել է, որ կաթողիկոսարանը հարյուր միլիոն լիբանանյան լիրա է հատկացնելու Լիբանանի Ազգային Առաջնորդարանին, որպես անմիջական օժանդակություն լիբանանահայ կարիքավոր ընտանիքներին:
Հետևեք մեզ տելեգրամում
