Վրաստանում հոկտեմբերի 31-ին՝ տեղի ժամանակով 8:00-ին, մեկնարկել են խորհրդարանական ընտրությունները: Վրաստանի Կենտրոնական ընտրական հանձնաժողովի տվյալների համաձայն՝ երկրի տարածքում բացվել է 3657 ընտրատեղամաս:
Խորհրդարանի 150 տեղի և երկիրը գալիք 4 տարում կառավարելու համար պայքարում են 48 կուսակցություն և 2 դաշինք:
Կառավարություն ձևավորելու համար կուսակցությունը պետք է հավաքի 40,54%-ից ոչ պակաս ձայն: Իշխող «Վրացական երազանք» կուսակցությունը հայտարարել է, որ հաղթելու դեպքում կառավարության ղեկավարը կլինի գործող վարչապետ Գեորգի Գախարիան: «Միացյալ ազգային շարժում» կուսակցության և «Ուժը միասնության մեջ է» ընդդիմադիր քաղաքական միավորման վարչապետի թեկնածուն Վրաստանի նախկին նախագահ Միխեիլ Սաակաշվիլին է:
Հետևեք մեզ տելեգրամում
