Մարդու իրավունքների պաշտպանության սիրիական կենտրոնը հայտնում է, որ Սիրիա են բերվել սիրիացի վարձկանների դիերի նոր «խմբաքանակ», որոնք սպանվել են Լեռնային Ղարաբաղում ընթացող մարտերի ժամանակ: Կենտրոնը փոխանցում է, որ վերջին օրերին սիրիացի զինյալների 12 դի Սիրիա է տեղափոխվել թուրքական ուժերի և դրանց ածանցյալ խմբավորումների վերահսկողությամբ:
Սրան զուգահեռ, կազմակերպության աշխատակիցները փաստագրել են Ադրբեջանում վերջին մի քանի ժամում առնվազն 10 զինյալի մահ: Ստացվում է, որ այս պահին Թուրքիայի կողմից աջակցություն ստացող սիրիացի սպանված վարձկանների թիվը հասնում է 250-ի, որից 195-ի դին արդեն տեղափոխել են Սիրիա, մնացածներինը դեռ Ադրբեջանում է:
Ընդհանուր առմամբ, Լեռնային Ղարաբաղ տեղափոխված սիրիացի զինյալների թիվը հասել է 2580-ի, որից 342-ը վերադարձել է Սիրիա և հրաժարվել վճարումներից: Ադրբեջանի կողքին կռվելուց հրաժարվելու գլխավոր պատճառը կրոնական ուղղությունն է: Վարձկաններից շատերը չգիտեն, որ ադրբեջանցիները շիական համայնքին են պատկանում:
Հետևեք մեզ տելեգրամում
