Իրանի հարավում տեղի ունեցած ջրհեղեղի հետևանքով առնվազն յոթ մարդ է զոհվել: Այս մասին տեղեկացնում է իրանական IRIB հեռուստառադիոընկերությունը՝ վկայակոչելով երկրի արտակարգ իրավիճակների վարչությանը։
Ըստ նախնական տվյալների՝ երկու մարդ զոհվել է Բուշերի նահանգում, ևս հինգը տարերքի զոհ են դարձել Հորմոզգանում: Շուրջ 950 մարդ է տուժել հեղեղումների պատճառով, 40 մարդ տարհանվել է: Կան վնասված տներ։
Վերջին մի քանի օրերին Իրանում առատ տեղումներ են։ Դրանք հարավային նահանգներից մի քանիսում հեղեղումների պատճառ են դարձել, այդ թվում՝ Խուզեստանում, Ֆարսում, Բուշերում և Հորմոզգանում: Ըստ իրանական օդերևութաբանական ծառայության տվյալների՝ միայն Բուշերի նահանգում մի քանի ժամում 160 մմ տեղումներ են եղել:
Հետևեք մեզ տելեգրամում
