Իրանի Գերագույն դատարանն ուժի մեջ է թողել մահվան դատավճիռը, որ կայացվել է Amad News լրատվական պորտալի ղեկավար Ռուհոլլա Զամի նկատմամբ։ Վերջինս մեղադրվում է օտարերկրյա հետախուզությունների հետ համագործակցության մեջ: Դեկտեմբերի 8-ին այդ մասին հայտարարել է ատյանի պաշտոնական ներկայացուցիչ Գոլյամ Հոսեյն Իսմայիլին:
«Երկրի Գերագույն դատարանն ուսումնասիրել Է գործը եւ հաստատել դատավճիռը (պատժի առավելագույն չափը)»,- հայտնել է նա: 2019 թվականի հոկտեմբերի 14-ին IRNA գործակալությունը հրապարակել էր տեղեկատվություն Իսլամական հեղափոխության պահապանների զորակազմի ուժերի կողմից Զամի ձերբակալման մասին:
Նա մեղադրվում է հակակառավարական գործունեության և Ֆրանսիայի, ԱՄՆ-ի և Իսրայելի հետախուզությունների հետ համագործակցության մեջ:
Ավելի ուշ Իրանի զանգվածային լրատվամիջոցները հրապարակել են տեսագրություն, որի կադրերում պատկերված է «Amad News»-ի ղեկավարը՝ կալանավորվելուց հետո: Զամը հայտնի Է որպես իրանցի լրագրող և ակտիվիստ, որն իր գործունեությունն իրականացրել է արտասահմանից: Նրա մշտական բնակության վայրը համարվում էր Ֆրանսիան: Զամն առանձնապես ակտիվորեն է զբաղվել 2017 – 2018 թվականներին Իրանում տեղի ունեցած բողոքի ակցիաների լուսաբանմամբ։
Հետևեք մեզ տելեգրամում
