ԱՄՆ Կոնգրեսի Ներկայացուցիչների պալատը դեկտեմբերի 8-ին վավերացրել է է Թուրքիայի դեմ պարտադիր պատժամիջոցների կիրառումը նախատեսող բանաձևը։ Պատժամիջոցների պատճառը Թուրքիայի կողմից ռուսական S-400 զենիթահրթիռային համակարգերի գնումն է։
Ներկայացուցիչների պալատի հաստատած նախաձեռնությունը ներառված է ԱՄՆ-ի 2021թ․ ֆինանսական տարվա ռազմարդյունաբերական բյուջեի օրինագծում։
Համաձայն փաստաթղթի՝ նշված օրենքի ուժի մեջ մտնելուց հետո՝ ամենաուշը 30 օրվա ընթացքում, ԱՄՆ նախագահը պարտավոր է Ամերիկայի հակառակորդների դեմ պայքարի մասին» օրենքի 235-րդ մասում նշված սահմանափակումներից առնվազն հինգը կիրառել բոլոր այն անձանց դեմ, ովքեր մասնակցել են S-400-ների ձեռքբերմանը։
Առաջիկայում նախաձեռնությունը կդիտարկվի նաև ԱՄՆ Կոնգրեսի սենատում։ Վավերացման դեպքում այն կներկայացվի նախագահի ստորագրությանը։ Հայտնի է սակայն, որ ԱՄՆ նախագահի ներկա պաշտոնակատար Դոնալդ Թրամփը ավելի վաղ քննադատության է ենթարկել նշված փաստաթղթի որոշ դրույթներ՝ խոստանալով վետո կիրառել դրա դեմ։
Հետևեք մեզ տելեգրամում
