Հունաստանի ԱԳ նախարար Նիկոս Դենդիասը հայտարարել է, որ Թուրքիան «խախտում է տարածաշրջանի կայունությունը» ու «ջիհադականների զբոսաշրջային գործակալություն է» դարձել, ինչին հարկավոր է դիմակայել։
Թուրքիայի քաղաքականությունը Հունաստանի, Կիպրոսի և Հորդանանի ԱԳ նախարարների եռակողմ հանդիպման առանցքային թեմաներից էր, գրում է ՌԻԱ Նովոստին։
«Թուրքիան միջազգայն իրավունքի շրջանակներից դուրս է գործում և, ցավոք, դարձել է տարածաշրջանի կայունության խախտողը՝ սպառնալով ուժի կիրառմամբ։ Թուրքիան պատերազմով է սպառնացել Հունաստանին, եթե Աթենքը գործի իր ինքնիշխան իրավունքներին համապատասխան և ընդլայնի իր տարածքային ջրերը մինչև 12 ծովամղոն։
Որպես քաղաքական լծակ օգտագործելով միգրանտներին, կեղծ լուրեր տարածելով, սրելով անվտանգության խնդիրը, ջիհադականներին Լիբիայից Կովկաս տեղափոխելով, ինչը ես անվանում եմ ջիհադականների զբոսաշրջային գործակալություն՝ Թուրքիան սպառնալիք է ստեղծում տարածաշրջանի խաղաղությանն ու կայունությանը»,- ասել է Դենդիասը։
Ըստ նրա՝ Անկարայի նման գործողություններն անընդունելի են և Հունաստանը բազմիցս է կառուցողական երկխոսության կոչ արել Թուրքիային։
Հետևեք մեզ տելեգրամում
