Իսրայելի վարչապետ Բենյամին Նեթանյահուն ԱՄՆ նախագահի՝ ազգային անվտանգության հարցերով օգնական Ռոբերտ Օ’Բրայենի հետ քննարկել է Իրանի հարցը: Նեթանյահուն նշել է, որ ԱՄՆ-ը և Իսրայելը «երբևէ այսքան սերտ չեն աշխատել», որքան ԱՄՆ նախագահ Թրամփի օրոք:
«Մենք համագործակցում ենք, որպեսզի հակազդենք ընդհանուր սպառնալիքներին: Մենք համագործակցում ենք հանուն խաղաղության: Մենք երկու ոլորտում էլ զարմանալի առաջընթաց են գրանցել»,- Օ’Բրայենի հետ հանդիպման սկզբում ասել է Իսրայելի վարչապետը:
«Եվ իսրայելցիները, և արաբները նախագահ Թրամփին գովաբանեցին, երբ նա դուրս եկավ Իրանի հետ միջուկային անհաջող համաձայնագրից, երբ նա վերսկսեց և խստացրեց Իրանի դեմ կոշտ պատժամիջոցները, երբ ոչնչացրեց Իրանի գլխավոր ահաբեկչին՝ Ղասեմ Սոլեյմանիին: Երբ իսրայելցիներն ու արաբները համաձայնության են գալիս շատ հարցերի շուրջ, աշխարհը պետք է դրան ուշադրություն դարձնի: Չէ որ մենք ապրում ենք այս տարածաշրջանում: Մենք ինչ-որ բան գիտենք դրա մասին»,-նշել է Նեթանյահուն:
Նրա խոսքով, եթե իրավիճակտ չվերահսկվի, «վաղը Իրանը կզինվի միջմայրցամաքային, միջուկային մարտագլխիկներ պարունակող բալիստիկ հրթիռներով, որոնք կարող են ուղղված լինել Եվրոպայի և Ամերիկայի դեմ, և կվերածվի գլոբալ խուլիգանի, որը կվտանգի բոլորին»:
Հետևեք մեզ տելեգրամում
