Իրանի առևտրի զարգացման կազմակերպության Ամերիկայի և Եվրոպայի գրասենյակի գլխավոր տնօրենը հայտարարել է, որ իրանական օրացույցով 1399թ․ (սկսում է մարտի 20-ից) առաջին ութ ամիսների ընթացքում Իրանից Հայաստան արտահանումը կազմել է 233 մլն դոլար, իսկ ներկրումը՝ 11 մլն։ Նախորդ տարվա նույն ժամանակահատվածի համեմատ՝ արտահանումը նվազել է 27 տոկոսով։
Պաշտոնյայի խոսքով Հայաստան-Իրան առևտրաշրջանառության վրա ազդեցություն են թողել կորոնավիրուսով պայմանավորված սահմանափակումները, բացի այդ բեռնափոխադրումների գործընթացը դանդաղել է նաև ռազմական գործողությունների օրերին։
«Նորդուզի անցակետը գործում է։ Այնտեղ մեր պայմաններն ավելի լավ են, քան Հայաստանի Մեղրիում։ Հույս ունենք՝ կկարողանանք մեծացնել մեր հնարավորությունները և բեռնափոխադրումները ավելի լավ կընթանան»,-նշել է նա:
Հետևեք մեզ տելեգրամում
