Քիչ առաջ Պոլսի Հայոց 85-րդ պատրիրարք է ընտրվել Սահակ եպիսկոպոս Մաշալյանը։ Պատրիարքի ընտրությունը տեղի է ունեցել Պոլսի Հայոց պատրիարքարանում։
Այսօր, Թուրքիայի ժամանակով ժամը 9։30-ից այստեղ են հավաքվել համայնքի կողմից դեկտեմբերի 8-ին ընտրված բոլոր 103 պատվիրակները, ինչպես նաև դեկտեմբերի 7-ին ընտրված 17 հոգևորական պատվիրակները։
Պատվիրակների ձայների մեծամասնությամբ Պոլսի նոր պատրիարք դարձավ Սահակ Մաշալյանը։
Պատրիարքի մյուս թեկնածուն Արամ արքեպիսկոպոս Աթեշյանն էր, ով նախկինում տարիներ շարունակ զբաղեցրել էր Պատրիարքական ընդհանուր փոխանորդի պաշտոնը։ Այսպիսով, կարելի է ասել 12 տարվա անորոշության շրջանն ավարտված է, և այսուհետ նոր պատրիարքի գլխավորությամբ համայնքը կանցնի կուտակված խնդիրների լուծմանը։ Նշենք, որ Պոլսի Հայոց պատրիարքի ընտրությունները տեղի են ունեցել 3 փուլով:
Հետևեք մեզ տելեգրամում
