Ուկրաինայում Վրաստանի դեսպան Թեյմուրազ Շարաշենիձեն, ում 2020թ. մայիսին հետ էին կանչել Թբիլիսի այն բանից հետո, երբ Վրաստանի նախկին նախագահ Միխեիլ Սաակաշվիլին նշանակվել էր Ուկրաինայի բարեփոխումների ազգային խորհրդի գործադիր կոմիտեի ղեկավար, վերադարձել է Կիև: Այս մասին հայտնում է Ուկրաինայի ԱԳՆ-ը:
«Երկարատև ընդմիջումից հետո Կիև է վերադարձել Ուկրաինայում Վրաստանի դեսպան Թեյմուրազ Շարաշենիձեին: Դա պայմանավորվածությունների արդյունք է, որը ձեռք է բերվել Ուկրաինայի և Վրաստանի նախագահներ Վլադիմիր Զելենսկու ու Սալոմե Զուրաբիշվիլիի՝ ապրիլի 15-ին կայացած հեռախոսազրույցի ընթացքում»,-ասված է ԱԳՆ հայտարարության մեջ:
Շարաշենիձեն արդեն հասցրել է հանդիպել Ուկրաինայի փոխարտգործնախարար Վասիլի Բոդնարի հետ, քննարկել երկկողմ և բազմակողմ համագործակցության հարցեր:
Հետևեք մեզ տելեգրամում
