Իրանի ԱԳՆ խոսնակ Սաիդ Խաթիբզադեն հայտնել է, որ Սաուդյան Արաբիայի հետ բանակցությունները «լավ մթնոլորտում» են ընթանում, և հույս ունեն, որ ընդհանուր ըմբռնման կհասնեն:
«Բանակցությունները դեռ շարունակվում են լավ մթնոլորտում: Մենք հույս ունենք, որ այս բանակցությունները կհանգեցնեն Իրան-Սաուդյան Արաբիա ընհանուր ըմբռնման»,-ասել է Խաթիբզադեն:
Նշենք, որ բանակցություններն ընթանում էին Բաղդադում՝ Իրանի վարչապետի միջնորդությամբ: Այն գաղտնի էր մինչև այն պահը, երբ Financial Times-ը հաղորդեց, որ առաջին հանդիպումը կայացել է ապրիլի 9-ին: Խաթիբզադեն բանակցությունների փաստը հաստատել էր մայիսի 10-ին:
Հիշեցնենք, որ երկու երկրների հարաբերությունները խզվել էին 2016թ. այն բանից հետո, երբ իրանցի ցուցարարները հարձակվել էին թագավորության դիվանագիտական առաքելության շենքի վրա՝ թագավորության կողմից հարգարժան շիա հոգևորականի մահապատժից հետո:
Հետևեք մեզ տելեգրամում
