Հավաքական անվտանգության պայմանագրի կազմակերպության (ՀԱՊԿ) մամուլի քարտուղար Վլադիմիր Զայնետդինովը հայտնել է, որ Հայաստանում այս տարի անցկացվելու են «Շանթ 2021» զորավարժությունները:
«Զորավարժությունների ընթացքում, որը նախատեսված է անցկացնել Հայաստանի Հանրապետության տարածքում, երկու փուլով կմշակվեն գործնական գործողություններ՝ զրահատեխնիկայի, հատուկ ավտոտրանսպորտի, օդուժի, ԱԹՍ-ների, ծառայողահետախուզական շների կիրառմամբ»,-ասել է Զայնետդինովը:
ՀԱՊԿ մամուլի քարտուղարը նաև տեղեկացրել է, որ հունիսի 1-3-ը Հայաստանում կայացել է ուսումնական զորավարժություններին նախապատրաստվելու շտաբային բանակցություններ, որով նախատեսվում է ստեղծել ՀԱՊԿ Օպերատիվ արձագանքման հավաքական ուժերի հատուկ նշանակության ջոկատներ:
Հետևեք մեզ տելեգրամում
