ԱՄՆ-ը Թուրքիային ընդգրկել է մանկահասակ զինվորներ օգտագործող երկրների ցանկի մեջ: Այսպիսով սա առաջին դեպքն է, որ Միցայալ Նահանգները ՆԱՏՕ-ի իր դաշնակցին ներառել է այս ցանկում:
«Մարդկանց թրաֆիկինգ 2021» (TIP) զեկույցում նշվում է, որ Թուրքիան «շոշափելի աջակցություն» է ցուցաբերում Սիրիայում գործող «Սուլթան Մուրադ» ստորաբաժանմանը և մեկ այլ խմբավորմանը, որը, ըստ Վաշինգտոնի, երեխաներին հավաքագրել և օգտագործել է որպես զինվորներ:
Պետքարտուղարության բարձրաստիճան պաշտոնյան նաև հիշատակել է մանկահասակ զինվորների օգտագործման փաստը Լիբիայում՝ հայտարարելով, որ Վաշինգտոնը հույս ունի այս հարցի շուրջ համագործակցել Անկարայի հետ, որպեսզի լուծեն խնդիրը:
«Ինչ վերաբերում է, մասնավորապես, Թուրքիային….սա առաջին անգամն է, որ ՆԱՏՕ-ի անդամ-երկիրը ներառվել է ցանկում: Որպես տարածաշրջանում հարգված առաջնորդ և ՆԱՏՕ-ի անդամ՝ Թուրքիան հնարավորություն ունի զբաղվելու այս հարցով ևս»,-ասել է Պետքարտուղարության ներկայացուցիչը:
Հետևեք մեզ տելեգրամում
