Կատարի արտգործնախարար Մուհամմադ Ալ-Թանին Մեծ Բրիտանիայի ԱԳ նախարարի հետ համատեղ կոնֆերանսի ժամանակ հայտարարել է, որ տալիբների հետ աշխատանքները շարունակվում են՝ Քաբուլի օդանավակայանը հնարավորինս շուտ վերագործարկելու և Թուրքիայի հետ միասին տեխնիկական աջակցություն ապահովելու համար:
Արաբական աղբյուրը նաև նշում է, որ Կատարի արտաքին գործերի նախարարությունը հաստատել է, որ չորեքշաբթի Քաբուլ մեկնած կատարական տեխնիկական թիմի խնդիրը օդանավակայանի հնարավորինս շուտ վերագործարկումն է։
Իր հերթին Կատարի արտաքին գործերի նախարարության խոսնակը շեշտել է Տալիբան շարժման և միջազգային հանրության միջև վստահության ամրապնդման անհրաժեշտությունը։ Նա նաև միջազգային գործընկերներին կոչ է արել օգտվել Տալիբանի՝ մինչ այժմ դրսևորած «պրագմատիզմից»:
Աղբյուրը նշում է, որ նախնական գնահատականները վկայում են, որ օդանավակայանում վերանորոգման և տեխնիակական սպասարկման աշխատանքները իրականացնելու համար անհրաժեշտ է 300 միլիոն դոլար:
Իր հերթին ԱՄՆ Պետքարտուղարության խոսնակը մամուլի ասուլիսի ժամանակ հայտնել է, որ թուրքերն ու կատարցիները հնարավորինս արագ են աշխատում օդանավակայանի քաղաքացիական մասի բացման ուղղությամբ: Նա նաև ավելացրել է, որ Վաշինգոտնը շարունակում է աջակցել այդ ջանքներին, քանի որ դրանք իր շահերից էլ են բխում:
Հետևեք մեզ տելեգրամում
