Գերմանական Deutsche Welle լրատվամիջոցը իրականացրել է հետաքննություն, որի ընթացքում պարզել է, որ «Քրիստոնյա-սոցիալիստական միություն» և «Քրիստոնյա դեմոկրատական միություն» կուսակցությունների որոշ անդամներ սերտ կապեր ունեն Ադրբեջանի իշխանությունների հետ։ Այս մասին հաղորդում է թելեգրամյան Баграмян 26 ալիքը:
Գերմանական լրատվամիջոցը տեսանյութ է հրապարակել, որտեղ պատմում է այդ մասին։
Զեկույցում նշված է, որ մի շարք գերմանացի քաղաքական գործիչներ փորձում են օգնել բարձրացնել Ալիևի հեղինակությունը: Ըստ աղբյուրի՝ վերոնշյալ քաղաքական գործիչները, փորձելով իրականացնել ադրբեջանամետ քարոզչություն՝ Բունդեսթագում հայտնել են ալիևյան անհիմն թեզերը Լեռնային Ղարաբաղի հակամարտության վերաբեյալ:
Ավելին՝ Ադրբեջանում դիտորդական առաքելություն իրականացնելիս, նրանք հրապարակայնորեն հայտարարել են, որ այդ երկրում տեղի ունեցած ընտրությունները ընթացել են «ժողովրդավարական ճանապարհով»:
Աղբյուրը տեղեկացնում է, որ «Քրիստոնյա-սոցիալիստական միություն» կուսակցության նախկին անդամ Էդուարդ Լինթները և «Քրիստոնյա դեմոկրատական միություն» կուսակցության» ներկայիս պատգամավոր Աքսել Ֆիշերը մեղադրվում են կաշառակերության մեջ։ Ենթադրվում է, որ նրանց փոխանցվել մի քանի միլիոն եվրո լոբբիստական աշխատանքի և ադրբեջանամետ քարոզչություն իրականացնելու համար: Գերմանիայի իրավապահ մարմինները սկսել են հետաքննություն իրականացնել այն պնդման հիման վրա ըստ որի՝ գերմանացի քաղաքական գործիչներն այդ ծառայությունները իրականացրել են ալիևյան ռեժիմից ստացված գումարի դիմաց։
Հետևեք մեզ տելեգրամում
