Ռուսաստանի Դաշնության նախագահ Վլադիմիր Պուտինը Եվրոպական խորհրդի նախագահ Շառլ Միշելի հետ քննարկել է Արցախի շուրջ եռակողմ պայմանավորվածությունների իրականացման ընթացքը: Այս մասին հայտնում է Կրեմլի պաշտոնական կայքը:
«Քննարկվել է իրադրությունը Լեռնային Ղարաբաղի շուրջ: Շառլ Միշելի խնդրանքով Ռուսաստանի նախագահը տեղեկացրել է այն քայլերի մասին, որոնք ձեռնարկվում են 2020 թվականի նոյեմբերի 9-ի և 2021 թվականի հունվարի 11-ի եռակողմ համաձայնությունների կյանքի կոչման ուղղությամբ»,- ասվում է հաղորդագրության մեջ:
Հեռախոսազրույցի մասին «Թվիթեր»-ի էջում գրառում է կատարել Շառլ Միշելը, ով, անդրադառնալով Արցախյան խնդրին, նշել է, որ «անհրաժեշտ է կառուցել վստահություն և սկսել երկխոսություն»:
Հետևեք մեզ տելեգրամում
