ԱՄՆ Ազգային անվտանգության խորհրդական Ջեյք Սալիվանը սեպտեմբերի 28-ին Ռիյադում հանդիպել է Սաուդյան Արաբիայի թագավորության թագաժառանգ Մուհամմադ Սալմանի հետ: Արաբական Al Arabiya-լրատվական կայքի փոխանցմամբ՝ այս մասին տեղեկացնում է ԱՄՆ նախագահի վարչակազմի բարձրաստիճան պաշտոնյան:
Համաձայն աղբյուրի՝ հանդիպման ընթացքում քննարկվել են հարցերի լայն շրջանակ: Հանդիպմանը ներկա էին նաև Սաուդյան Արաբիայի Պաշտպանության նախարարը և այլ պաշտոնատար անձիք:
Ամերիկացի պաշտոնյան նշել է, որ մանրամասն քննարկումներ են անցկացրել Եմենում տիրող իրավիճակի շուրջ :
Նա նաև բարձր է գնահատել Մերձավոր Արևելքում կայունության և լարվածության թուլացմանն ուղղված նախաձեռնությունները:
Նշենք, որ այցի շրջանակներում խորհրդականը հանդիպել է նաև Աբու Դաբիի գահաժառանգի հետ: Նախատեսվում է, որ սեպտեմբերի 29-ին Ջեյք Սալիվանը մեկնելու է Կահիրե՝ քննարկելու Իսրայելի և ՀԱՄԱՍ-ի միջև լարվածության թուլացումը:
Հետևեք մեզ տելեգրամում
