Գերմանիայի կանցլեր Անգելա Մերկելը, ով հրաժեշտի այցով հոկտեմբերի 10-ին գտնվում էր Իսրայելում, հայտարարել է, որ Իսրայելի անվտանգությունը «Գերմանիայի համար շարունակելու է մնալ կարևորագույն առաջնահերթություն»: Այս մասին հաղորդում է իսրայելական The times of Israel լրատվական գործակալությունը:
Համաձայն աղբյուրի՝ Մերկելը Իսրայելի վարչապետ Նաֆթալի Բեննեթի հետ հանդիպման ժամանակ վստահեցրել է, որ Գերմանիայի «յուրաքանչյուր կառավարություն պատասխանատու է լինելու Իսրայելի անվտանգության համար»:
«Մարդկության դեմ իրականացված հանցագործություններից՝ հոլոքոստից հետո հնարավոր եղավ վերականգնել երկկողմ հարաբերությունները»,- ասել է Մերկելը՝ ավելացնելով, որ «Իսրայելը կարող է վստահել հետպատերազմական Գերմանիային: Սակայն այդ վստահությունն էլ անհրաժեշտ է մշտապես ապացուցել»:
Իր հերթին Իսրայելի վարչապետը բարձր է գնահատել Անգելի Մերկելի պաշտոնավարման ժամանակաշրջանը, որն ուղի է հարթել երկկողմ հարաբերությունների զարգացման և ամրապնդման համար:
Հետևեք մեզ տելեգրամում
