Իրանի Զինված ուժերի գլխավոր շտաբի պետ, գեներալ-մայոր Մոհամմադ Բաղերին կայցելի Մոսկվա՝ գլխավորելով բարձրաստիճան զինվորական պատվիրակությունը: Այցի նպատակը Ռուսաստանի հետ փոխհամագործակցությունը զարգացնելն է: Այս մասին գրում է «mehrnews.com» իրանական լրատվական գործակալությունը:
Այս մասին հայտարարություն է արել նաև Ռուսաստանում Իրանի դեսպանության ռազմական կցորդ Ռեզա Խոսրավի Մոքադդամը՝ նշելով, որ գեներալ-մայորը հաջորդ շաբաթ կուղևորվի Մոսկվա՝ ՌԴ պաշտպանության նախարար Սերգեյ Շոյգուի հրավերով:
Պաշտոնյայի խոսքով՝ նախատեսվում է քննարկել համագործակցության զարգացմանը և համատեղ պաշտպանությանը և ռազմական ոլորտում հարաբերություններին առնչվող հարցեր: Կողմերը քննարկելու են նաև ահաբեկչության դեմ պայքարի, տարածաշրջանային ու միջազգային մարտահրավերների հետ կապված մի շարք հարցեր:
Հետևեք մեզ տելեգրամում
