Իրանցի վարորդների ազատ արձակումը կառուցողական քայլ է, որը կկարողանա թյուրըմբռնումների կարգավորման համար անհրաժեշտ մթնոլորտը ստեղծել։ Նման կարծիք է հայտնել Իրանի ԱԳ նախարար Ամիր Աբդոլլահիանը հոկտեմբերի 23-ին Ադրբեջանի արտգործնախարար Ջեյհուն Բայրամովի հետ ունեցած հեռախոսազրույցի ժամանակ: Այս մասին գրում է IRNA-ն:
Աբդոլլահիանը նշել է, որ Թեհրանը ցանկանում է հնարավորինս շատ խորացնել Բաքվի հետ հարաբերությունները՝ կոչ անելով ավելի շատ դրական քայլեր ձեռնարկել: Նա նաև ընդգծել է Ադրբեջանին սահմանակից շրջաններում իրանական բեռնատարների երթևեկությունը դյուրացնելու անհրաժեշտությունը:
Իր հերթին Բայրամովը կարևոր ուղերձ է անվանել իրանցի վարորդների ազատ արձակումն ու Իրանի համապատասխան մարմինների կողմից Ղարաբաղ երթևեկության կանոնների հրապարակումը երկկողմ թյուրըմբռնումների վերացման համար:
Կողմերը քննարկել են նաև համատեղ տնտեսական հանձնաժողովի գործունեությանն առնչվող մի շարք հարցեր։
Հետևեք մեզ տելեգրամում
