Թուրքիայի պաշտպանության նախարար Հուլուսի Աքարը Բրյուսելում լրագրողների հետ հանդիպմանն ասել է, որ ԱՄՆ-ից Թուրքիա F16 ինքնաթիռների նոր խմբաքանակի առաքման պատվերների ընդունման գործընթացն արդեն սկսվել է։
«Մենք ուշադիր հետևում ենք այս գործընթացին: F16-ի ավիապարկն արդիականացման կարիք ունի: Մենք ԱՄՆ-ից՝ որպես ռազմավարական գործընկեր և բարեկամ երկիր, ակնկալում ենք ոչ միայն 70 Viper F16-ների մատակարարում, այլև ներդրում Թուրքիայի ռազմական ինքնաթիռների արդիականացման գործում։ Պետք չէ մոռանալ, որ Թուրքիայի հզորացումը նշանակում է ՆԱՏՕ-ի պաշտպանական հզորության աճ։ Թուրքիայի սահմանները նաև Դաշինքի սահմաններն են»,- «Անադոլու» գործակալության փոխանցմամբ՝ ասել է Հուլուսի Աքարը։
Հիշեցնենք, որ ավելի վաղ «Reuters» գործակալությունը, հղում անելով իր աղբյուրներին, հայտնել էր, որ Թուրքիան դիմել է ԱՄՆ-ին ամերիկյան արտադրության 40 F-16 կործանիչների գնման, ինչպես նաև այդ տիպի 80 մարտական ինքնաթիռների արդիականացման խնդրանքով։
Հետևեք մեզ տելեգրամում
