Լիբանանի նախագահ Միշել Աունը և Կատարի էմիր շեյխ Թամիմ բըն Համադ Ալ-Թանին նոյեմբերի 29-ին հանդիպել են Դոհայում:
Կողմերը քննարկել են երկկողմ հարաբերությունները, տարբեր ոլորտներում դրանք ընդլայնելու եղանակները, ինչպես նաև տարածաշրջանային և միջազգային մի շարք հիմնախնդիրներ:
Կատարի էմիր շեյխ Թամիմ Ալ-Թանին վերահաստատել է, որ Դոհան «կանգնած է Լիբանանի կողքին և պատրաստ է աջակցել ամեն հարցում»: Նա նաև հույս է հայտնել, որ Լիբանանի և Պարսից ծոցի որոշ երկրների միջև դիվանագիտական ճգնաժամը մոտ ապագայում կհարթվի, քանի որ Լիբանանը միշտ եղել է ինչպես արաբական, այնպես էլ Պարսից ծոցի երկրների կողքին»:
Լիբանանի նախագահ Աունն իր հերթին ողջունել է Լիբանանում զարգացման ծրագրեր իրականացնելու գործում Կատարի ցանկացած ներդրում՝ այդ թվում էներգիայի, էլեկտրականության, բանկային համակարգի և այլ ոլորտներում:
Հետևեք մեզ տելեգրամում
