Սոցցանցերի ադրբեջանական հատվածում երեկվա ավիավթարի տարբեր վարկածներ են առաջ քաշվում։ Հատկապես՝ տարօրինակ է համարվում, որ վերջին անգամ նման թվով բարձրաստիճան սպաներ նույն ուղղաթիռում եղել են միայն 1991 թվականին, և այդ մարտերի ժամանակ էլ այդ ուղղաթիռը կործանվել էր: Այս մասին իր թելեգրամյան ալիքում գրում է ռուս ռազմական թղթակից, Շուշիի Ղազանչեցոց եկեղեցում ադրբեջանական հարձակման հետևանքով վիրավորված Յուրի Կոտենոկը:
«Ուստի դիվերսիաների մասին շատ է խոսվում, և դա տրամաբանական է. ադրբեջանական բանակի բազմոցային դիվիզիայի ռազմաշունչ մարտիկները, որոնք մեկ տարի առաջ Մոսկվայում ինչ-որ տեղ նստած ուրախանում էին Ստեփանակերտի գնդակոծությունից և խոցված ռուսական ուղղաթիռից, հոգու խորքում հասկանում են, որ վաղ թե ուշ պատասխան կլինի… Հետևաբար, դա սարսափեցնում է նրանց: Ուստի ցանկացած աղետի մեջ հիմա ռուսական կամ հայկական ձեռք են տեսնելու։ Թեև, ամենայն հավանականությամբ, պատճառը ակներև է՝ կա՛մ տեխնիկական խնդիր, կա՛մ վատ պատրաստված անձնակազմ»,- գրել է Կոտենոկը:
Հետևեք մեզ տելեգրամում
