Սիրիայի և Ռուսաստանի ռազմաօդային ուժերը հունվարի 24-ին համատեղ պարեկություն են իրականացրել Սիրիա- Իսրայել սահմանին: Այս մասին տեղեկացնում է Ռուսաստանի պաշտպանության նախարարությունը: Կողմերը պայմանավորվել են հետագայում ևս կանոնավոր կերպով նման պարեկություն իրականացնել:
Պարեկության երթուղին անցնում էր Գոլանի բարձունքներով, այնուհետև Սիրիայի հարավային սահմանով, Եփրատի երկայնքով և հյուսիսով:
Ռուս օդաչուները Հմեյմիմ ավիաբազայից օդ են բարձրացել Սու-34, Սու-35 կործանիչներով և Ա-50 վաղ նախազգուշացնող ինքնաթիռներով, սիրիացի օդաչուները՝ Դամասկոսի մերձակայքում գտնվող Սեյկալ և Դումեյր օդանավակայաններից՝ ՄիԳ-23 և ՄիԳ-29 կործանիչներով:
Հետևեք մեզ տելեգրամում
