Փետրվարի 2-ին Սիրիայում Հասաքայի էլեկտրակայանի վրա թուրքական զինված ուժերի ավիահարվածների հետևանքով սպանվել են չորս քաղաքացիներ: Այս մասին հաղորդում է Մարդու իրավունքների սիրիական դիտարանը:
Դիտարանի տեղեկացմամբ՝ հրթիռակոծության թիրախ է դարձել Հասաքա նահանգի Ալ-Մալիքիյա (Դերիք) քաղաքի չորրորդ էլեկտրակայանը: Նախնական տեղեկություններով՝ սպանվել են չորս քաղաքացիներ՝ այդ թվում էլեկտրակայանի աշխատակիցներ, մյուսները ստացել են տարբեր աստիճանի մարմնական վնասվածքներ: Հարձակման հետևանքով շրջակա որոշ գյուղեր հոսանքազրկվել են:
Դիտարանը նաև հաղորդել էր, որ ավելի վաղ՝ հունվարի 20-ին թուրքական ռազմաօդային ուժերը հարվածներ էին հասցրել Թալ Թամր նահանգում գտնվող ասորական Թալ Ջումաա բնակավայրի էլեկտրակայանին՝ թիրախավորելով էլեկտրատեխնիկական սպասարկման աշխատակիցներին:
Հետևեք մեզ տելեգրամում
