Իրանի նախագահ Իբրահիմ Ռայիսին ժամանել է Դոհա: Սա նրա առաջին այցն է Կատար նախագահի պաշտոնը ստանձնելուց ի վեր:
Կատարի Էմիրը և Իրանի նախագահը քննարկելու են երկկողմ հարաբերությունները և դրանք զարգացնելու հնարավոր ուղիները:
Ռայիսիի խոսքով՝ նրա այցը Կատար Իրանի արտաքին քաղաքականության ակտիվացման կարևոր քայլ է հարևան երկրների հետ բարիդրացիական հարաբերությունների պահպանման համատեքստում: Նա հույս է հայտնել, որ այս այցը խթանելու է Պարսից ծոցի երկրների հետ հարաբերությունների ամրապնդմանը:
Ավելի վաղ իրանական IRNA լրատվական գործակալությունը տեղեկացրել էր, որ Իբրահիմ Ռայիսին Դոհա է մեկնելու Կատարի էմիրի հրավերով: Գործակալության հաղորդմամբ՝ այցի ընթացքում ստորագրվելու են մի շարք համաձայնագրեր և փոխըմբռնման հուշագրեր: Այցի երկրորդ օրը Իրանի նախագահը մասնակցելու է Գազ արտահանող երկրների վերցերորդ գագաթաժողովին:
Նշենք, որ երեկ Agence France-Presse գործակալությունը, հղում կատարելով դիվանագիտական աղբյուրներին, հայտնել է, որ Կատարի արտգործնախարար Մուհամմադ բըն Աբդուլռահման Ալ-Թանին նախապես չհայտարարված այց է կատարել Թեհրան: Նշվում է, որ նա բանակցություններ է վարել Իրանի նախագահի և արտգործնախարարի հետ:
Հետևեք մեզ տելեգրամում
