Թուրքիայի Հանրապետության Ազգային մեծ ժողովի նախագահ Մուստաֆա Շենթոփը ժամանել է Վրաստան։ Այս մասին տեղեկացնում է Վրաստանի խորհրդարանի մամուլի ծառայությունը։
Թուրքիայի Ազգային մեծ ժողովի նախագահն առաջին հանդիպումը կանցկացնի Վրաստանի խորհրդարանի նախագահ Շալվա Պապուաշվիլիի հետ։ Նախատեսվում է նաև խորհրդարանի նախագահի և պատգամավորների հանդիպում թուրքական պատվիրակության հետ ընդլայնված կազմով։
Հանդիպումից հետո Շալվա Պապուաշվիլին և Մուստաֆա Շենթոփը կստորագրեն համագործակցության փաստաթուղթ Վրաստանի և Թուրքիայի Հանրապետության խորհրդարանների միջև և հանդես կգան համատեղ հայտարարությամբ։
Տեղեկացվում է նաև, որ Թուրքիայի խորհրդարանի նախագահին կընդունեն Վրաստանի նախագահ Սալոմե Զուրաբիշվիլին և վարչապետ Իրակլի Ղարիբաշվիլին։
Հետևեք մեզ տելեգրամում
