Հինգշաբթի մոտ 500 իսրայելցիներ են տարհանվել Ուկրաինայից: Այս մասին հաղորդագրություն է տարածել Իսրայելի արտաքին գործերի նախարարությունը:
Դեսպանատունը, որը ներկայումս տեղակայված է Լվով քաղաքում, երեք ավտոբուսներով կազմակերպել է իսրայելցիների տեղափոխումը Լվովից Լեհաստան:
Հաղորդվում է, որ ավելի վաղ 4300 իսրայելցիներ էին վերադարձել նախքան Ուկրաինայի օդային սահմանների փակվելը:
Քննարկվում է նաև Իսրայելի դեսպանատան անձնակազմին Լեհաստան տեղափոխելու խնդիրը: Իսկ երկուշաբթի Իսրայելի դիվանագիտական ներկայացուցչությունն Ուկրաինայի մայրաքաղաք Կիևից տեղափոխվել էր Լվով:
Հետևեք մեզ տելեգրամում
