Թեհրանում հանդիպել են Իրանի նախագահ Իբրահիմ Ռայիսին և Սիրիայի ազգային անվտանգության ծառայության ղեկավար գեներալ-մայոր Ալի Մամլուքը:
Մամլուքը հաստատել է, որ Սիրիան վճռական է ահաբեկչությունն արմատախիլ անելու, իր բոլոր տարածքներն ազատագրելու հարցում, և վերակառուցելու այն ամենը, ինչը վնասներ է կրել պատերազմի հետևանքով:
Նա կարևորել է տարբեր ոլորտներում Սիրիայի և Իրանի միջև հարաբերությունների զարգացումը՝ ավելացնելով, որ Դամասկոսը բարձր է գնահատում Թեհրանի աջակցությունն ահաբեկիչների դեմ պայքարում:
Իր հերթին Ռայիսին ընդգծել է Սիրիայի տարածքային ամբողջականության և ինքնիշխանության պահպանման կարևորությունը:
Նա կարևորել է երկկողմ տնտեսական համագործակցությունը և առաջ քաշել այս ոլորտում առկա խոչընդոտների վերացման անհրաժեշտությունը՝ ներկայիս ռազմավարական հարաբերությունների զարգացման համար:
Ռայիսին շեշտել է, որ Սիրիան «սիոնիստական միավորման» հետ շփման առաջին գծում է՝ համերաշխության կոչ անելով իսլամական պետությունների և երկրների միջև:
Հետևեք մեզ տելեգրամում
