Իսրայելի Կնեսետը (խորհրդարանը) մերժել է Վոլոդիմիր Զելենսկու՝ ռուս-ուկրաինական պատերազմի վերաբերյալ հեռավար ելույթով հանդես գալու խնդրանքը։
Թել Ավիվում Ուկրաինայի դեսպան Եվգենի Կորնիչուկը խնդրանք էր ներկայացրել Կնեսետի խոսնակ Միկի Լևիին, որպեսզի Ուկրաինայի նախագահը հեռավար ելույթ ունենա Իսրայելի խորհրդարանի անդամների առջև։
Լևին պատասխանել է Կիևի խնդրանքին` ասելով, որ խնդրանքը ներկայացվել է Կնեսետի ձմեռային նստաշրջանի վերջին օրը, որից հետո նրա անդամները երկու ամսով արձակուրդ են մեկնում, հաղորդել է իսրայելական պաշտոնական Kan հեռուստաալիքը:
Նա նաև հավելել է, որ թեև Կնեսետի շենքը հասանելի չի լինի Ուկրաինայի նախագահին՝ հեռավար ելույթ ունենալու համար, սակայն նա կարող է դիմել պատգամավորներին, բայց ոչ շենքի ներսում։
Հետևեք մեզ տելեգրամում
