Լիբանանի նախագահ Միշել Աունը Բաաբդայի պալատում ընդունել է UNIFIL-ի միջազգային խաղաղապահ ուժերի նորանշանակ հրամանատար Արոլդո Լազարոյին և նրան ուղեկցող պատվիրակությանը:
Հանդիպման ընթացքում նախագահ Աունն ընդգծել է լիբանանյան բանակի և UNIFIL-ի միջազգային խաղաղապահ ուժերի միջև համագործակցության կարևորությունը՝ կայունության և անվտանգության ապահովման համար:
Աունը նաև հավաստիացրել է, որ Լիբանանը հանձնառու է ՄԱԿ-ի Անվտանգության խորհրդի N1701 բանաձևի կատարմանը՝ միևնույն ժամանակ նշելով, որ Իսրայելի ոտնձգությունները սպառնում են Լիբանանի ինքնիշխանությանը և հարավային նահանգների կայունությանը:
Իր հերթին Լազարոն հայտարարել է, որ UNIFIL-ի ուժերը գործադրելու են բոլոր ջանքերը Լիբանանում կայունության ապահովման համար: Նա նշել է, որ պատրաստակամ է շարունակել և ամրապնդել համագործակցությունը լիբանանյան իշխանությունների հետ:
Հետևեք մեզ տելեգրամում
