Միջազգային հեղինակավոր Freedom House իրավապաշտպան կազմակերպությունն իր ավանդական զեկույցն է հրապարակել աշխարհի երկրների տարբեր ոլորտներում ազատության մակարդակի վերաբերյալ:
Զեկույցում ազատության մակարդակը որոշվում է մի քանի չափանիշներով.
քաղաքական իրավունքներ և քաղաքացիական ազատություն, համացանցի ազատություն, ժողովրդավարական կառավարման մակարդակ:
Քաղաքական իրավունքների և քաղաքացիական ազատության առումով Ադրբեջանը դասվել է անազատ երկրների ցուցակում: Այստեղ հաշվի են առնվել մարդու անհատական իրավունքները, խոսքի ազատությունը, օրենքի առաջ հավասարությունը:
Համացանցի ազատության սանդղակում Ադրբեջանը նույնպես դասվել է անազատ երկրների ցուցակում:
Ժողովրդավարական կառավարման մակարդակով Ադրբեջանը դասվել է այն երկրների ցանկում, որտեղ տիրում է միատար ռեժիմ:
«Ադրբեջանում իշխող միատար ռեժիմը կառավարվում է Ալիևների ընտանիքների կողմից, որոնք իշխանության ղեկին են արդեն գրեթե 30 տարի»,- նշվում է զեկույցում:
Նշվում է, որ Ադրբեջանում անկախ ԶԼՄ-ներն ունեն շատ սահմանափակ հնարավորություններ, իսկ կորուպցիան դարձել է սովորական երևույթ այդ երկրներում, չնայած իրավապահ մարմինների կողմից անցած տարի իրականացրած խոշոր գործողություններին:
Հավելվում է, որ Ադրբեջանի իրավապահ մարմինները ճնշումներ են գործադրում ադրբեջանցի բազմաթիվ ակտիվիստների նկատմամբ՝ հետապնդելով նրանց: Այդ առումով, նշվում է զեկուցույցում , որ Ադրբեջանում առկա է վախի մթնոլորտ:
Ասվում է, որ բազմաթիվ օգտատերեր պատասխանատվության են ենթարկվում համացանցում իշխանության քաղաքականությունը քննադատելու համար:
Հետևեք մեզ տելեգրամում
