Իսրայելի նախագահ Իցխակ Հերցոգն ընդունել է ՀՀ նորանշանակ դեսպան Արման Հակոբյանի հավատարմագրերը՝ դիվանագիտական առաքելությունը սկսելու կապակցությամբ։ Այս մասին հաղորդագրություն է տարածել Իսրայելի նախագահի մամուլի ծառայությունը:
Հաղորդագրության համաձայն՝ ՀՀ դեսպանն իր հավատարմագրերը եբրայերեն է հանձնել նախագահին և եբրայերեն ստորագրել պատվավոր հյուրերի գրքում։
Նախագահ Հերցոգը և դեսպան Հակոբյանը քննարկել են Իսրայելում հայ համայնքի 1700-ամյա պատմությունը, երկկողմ հարաբերություններին, հայ և հրեա ժողովուրդների բազմադարյա կապերին ու ընդհանրություններին առնչվող հարցեր:
Զրույցի ավարտին նախագահ Հերցոգը ՀՀ դեսպանին ներկայացրեց իր նստավայրի այգում տեղադրված՝ երուսաղեմաբնակ Բալյան ընտանիքի արտադրության պատկերազարդ կերամիկական սալիկները՝ ուղեկցված «Հայկական կերամիկա» գրությամբ ցուցատախտակով:
Հետևեք մեզ տելեգրամում
